काठमाडौं । राष्ट्रिय स्वतन्त्र पार्टीले सत्ता साझेदार नेपाली कांग्रेससमक्ष प्रस्तुत गरेको ५ बुँदे प्रस्तावको विषयमा साझा धारणा बनाउन विपक्षी दलहरूको बैठक सुरु भएको छ ।

नेकपा माओवादी केन्द्रका उपमहासचिव वर्षमान पुनका अनुसार बानेश्वरमा जारी विपक्षी दलहरूको बैठकमा पुनसहित, हितराज पाण्डे, सन्तोष परियार, राजेन्द्र पाण्डे, प्रभु साह लगायत नेताहरु सहभागी छन् । यसपछि साझा धारणासहित सत्तारूढ दलसँग छलफल गर्ने उनले जानकारी दिए ।

विपक्षी दलहरूले भिजिट भिसा प्रकरणमा गृहमन्त्री रमेश लेखकको राजीनामा माग्दै आएका छन् । त्यसका साथै यसको छानबिनको माग पनि उनीहरूको छ । जसका कारण संसद चल्न सकेको छैन ।