
१कार्यकर्ता नीतिबारे
२मातृभक्षणवादको नयाँ सिद्धान्त – २
३मातृभक्षणवादको नयाँ सिद्धान्त
४सांसद खगेन्द्र सुनारमाथि छानबिन गरी कारबाही गर्न महिला संगठनको माग
५चाडपर्वमा कालोबजारी, मदिरा र यातायात मनपरी नियन्त्रण गर्न नेकपा (बहुमत) दार्चुलाको माग
६नेसनल मेडिकल कलेज विरुद्ध अखिल (क्रान्तिकारी)द्वारा संघर्षको चेतावनी
८नेकपा (बहुमत) को प्रथम राष्ट्रिय सम्मेलन सम्पन्न, दिपक महासचिव चयन
९वैचारिक संघर्षबारे
१०जनक्रान्तिका शहिद निरन्तरका बुबाको निधनप्रति नेकपा (बहुमत)द्वारा दुःख व्यक्त
११ग्यास अभावविरुद्ध नेकपा (बहुमत)को प्रदर्शन, समाधान नभए डिलर कब्जा गरि ग्यास बाँड्ने चेतावनी
१२बहुमत पार्टी भित्रको भ्रम र यथार्थ
तेहरान । इरानले इजराइलको सबैभन्दा ठूलो तेल प्रशोधन क्षेत्रमा मिसाइल प्रहार गरेको छ । गएराति इरानले उत्तरी इजराइलको हाइफा बेमा रहेको तेल प्रशोधन क्षेत्रमा मिसाइल प्रहार गरेको हो । इरानको हमलापछि तेल प्रशोधन केन्द्र रहेको उक्त क्षेत्रमा आगो लागेको अमेरिकी पत्रिका द न्युयोर्क टाइम्सले जनाएको छ ।
इरानी हमलाबाट त्यसक्षेत्र आगोको लप्काले ढाकिएको भिडियो र फोटोहरू सामाजिक सञ्जालमा सार्वजनिक भएका छन् । न्युयोर्क टाइम्सले तस्बिर र फोटो भेरिफाइ गरिएको बताएको छ । आगलागी भएपछि मानिसहरू त्यहाँ अड्किएका थिए । बिहान ढिलासम्म पनि उनीहरूको उद्धार र आगो नियन्त्रणमा इजराइली अधिकारीहरू खटिएका थिए ।
इरान र इजराइलले चार दिनदेखि एकअर्कामाथि आक्रमण गरिरहेका छन् । गएराति इजराइलले इरानका ८० ठाउँमा लक्ष्य गरेर आक्रमण गरेको न्युयोर्क टाइम्सले जनाएको छ । आक्रमणमा परी २० जना उच्च सैन्य अधिकारी, आणविक वैज्ञानिक र नागरिक गरी २२० जनाभन्दा बढीको मृत्यु भएको र १ हजार २०० जनाभन्दा बढी घाइते भएका छन् ।
इजराइलको आपतकालीन सेवाले गएराति इरानले इजराइलका चार स्थानमा लक्ष्य गरेर आक्रमण गरेको जनाएको छ । तेल अभिभलगायतका क्षेत्रमा धेरै भवनहरुमा क्षति पुगेको र अहिलेसम्म कम्तिमा १४ जना मारिएको बताइएको छ ।
तेल अभिभबाट दक्षिणमा रहेको तटीय सहर बातयाममा शनिबार राति ठूलाठूला भवनहरु ध्वस्त भएका छन् । त्यहाँ रहेका ६० भन्दा बढी भवनहरू क्षतिग्रस्त भएको बताइएको छ ।
जवाफमा इजराइलले इस्लामिक रिभोलुसनरी गार्ड कोरको सैन्य संरचना कुदर्स फोर्सको कमान्ड सेन्टरमै लक्ष्य गरेर हमला गरेको जनाएको छ । तेहरानमा रहेको कमान्ड सेन्टरमा केही क्षति भएको बताइएको छ ।
युरोपेली र मध्यपूर्वका देशहरूले दुवैलाई आक्रमण रोक्न आग्रह गरेका छन् । आक्रमण जारी रहे यसले क्षेत्रीय तनाव फैलाउने र अन्य देशहरू पनि संलग्न हुनसक्ने खतरा निम्त्याउने विश्लेषण गरिएको छ । अमेरिकी राष्ट्रपति डोनाल्ड ट्रम्पले इरानलाई आणविक हतियार सम्बन्धी वार्तामा आउन अनुरोध गरिरहेका छन् ।
प्रतिक्रिया