काठमाडौँ । अमेरिकी सिनेटर बर्नी स्यान्डर्सले इजरायली प्रधानमन्त्री बेन्जामिन नेतन्याहूलाई इरानसँगको पछिल्लो युद्ध भड्काएको आरोप लगाएका छन् ।

स्यान्डर्सले एक्समा लेख्दै भनेका छन्, ‘नेतन्याहूले इरानमाथि आक्रमण गरेर यो युद्ध सुरु गरे । उनले जानाजान इरानका प्रमुख आणविक वार्ताकार अली शामखानीको हत्या गरे र अमेरिका–इरान वार्तामा बाधा र्पुयाए ।’

गाजामा इजरायलको आक्रमणको पनि आलोचना गर्दै आएका स्यान्डर्सले थपे, ‘अमेरिकालाई नेतन्याहूको अवैध युद्धमा तानिनु हुँदैन–न सैनिक रूपमा न आर्थिक रूपमा ।’

उता अमेरिकी राष्ट्रपति डोनाल्ड ट्रम्पले इजरायल र इरानबिचको तनाव कम गर्नका लागि प्रस्तावित संयुक्त वक्तव्यमा हस्ताक्षर नगर्ने भएका छन् ।