काठमाडौं । नेपाल कम्युनिष्ट पार्टी (बहुमत)को महाधिवेशन आजदेखि काठमाडौँमा हुँदै छ। महाधिवेशनको उद्घाटन दिउँसो सवा ११ बजे काठमाडौंको जमलस्थित राष्ट्रिय नाचघरमा हुने पार्टीको प्रचार-प्रसार समितिले जानकारी दिएको छ।

महाधिवेशनमा वैज्ञानिक समाजवादी क्रान्तिको कार्यदिशा, स्वाधीन संयुक्त सरकार, त्यसको सारमा राज्यप्रणाली, आर्थिक संरचनालगायतका विषयमा छलफल हुने बताइएको छ । २ बर्ष अगाडि विप्लवको नेकपालाई पुनर्गठन गरेर नेकपा (बहुमत) बनाएको सो पार्टी ले यो महाधिवेशनलाई ९औं महाधिवेशन भनेको छ ।

विप्लवबाट छुट्टिएपछि मोहन वैद्य किरण नेतृत्वको क्रान्तिकारी कम्युनिष्ट पार्टीसँग एकता गरेको बुहुमतले उता पनेकता प्रक्रिया असफल भएको घोषणा गर्दै अलग भएर अहिले महाधिवेशन गर्न लागेको हो ।