
१राहत अनुदान शिक्षकको अवस्था र ट्रेड युनियन अधिकार
२बमको दर्शन
३यू्रोपमा भईरहेको आन्दोलनबाट नेपालका कम्युनिस्टले सिक्नुपर्ने शिक्षाहरु
४कार्यकर्ता नीतिबारे
५मातृभक्षणवादको नयाँ सिद्धान्त – २
६मातृभक्षणवादको नयाँ सिद्धान्त
७सांसद खगेन्द्र सुनारमाथि छानबिन गरी कारबाही गर्न महिला संगठनको माग
८चाडपर्वमा कालोबजारी, मदिरा र यातायात मनपरी नियन्त्रण गर्न नेकपा (बहुमत) दार्चुलाको माग
९नेसनल मेडिकल कलेज विरुद्ध अखिल (क्रान्तिकारी)द्वारा संघर्षको चेतावनी
११नेकपा (बहुमत) को प्रथम राष्ट्रिय सम्मेलन सम्पन्न, दिपक महासचिव चयन
१२वैचारिक संघर्षबारे
काठमाडौं । नेकपा (बहुमत) निकट कम्युनिष्ट युवा संगठन नेपालले नेपाली कांग्रेस, नेकपा एमाले र नेकपा माओवादी केन्द्रले आपसी मिलिभगतमा देश लुटेको आरोप लगाउँदै ती दलविरुद्ध संघर्ष गर्ने घोषणा गरेको छ।
सोमबार राजधानीको संवाद डबलीमा आयोजित पत्रकार सम्मेलनमार्फत संगठनले भ्रष्टाचारविरुद्ध व्यापक अभियान सञ्चालन गर्ने जनाएको छ।
युवा संगठनका अध्यक्ष हरीश भट्टले वैशाख १६ देखि १९ गतेसम्म काठमाडौंमा सम्पन्न प्रथम राष्ट्रिय सम्मेलनका निर्णय सार्वजनिक गर्दै तीन प्रमुख दलले सत्ता र स्रोत साधनको दुरुपयोग गरी जनताको धन लुटिरहेको आरोप लगाए। “चप्पल पड्काउँदै राजनीतिमा प्रवेश गरेका नेताहरू आज राज्यको ढुकुटी दोहन गर्नमै तल्लीन छन्,” भट्टले भने, “अब हामी चुप लाग्दैनौं।”
भट्टले सबै राजनीतिक तथा प्रशासनिक पदाधिकारीहरूको सम्पत्ति छानबिन गर्न माग गरे। साथै, सहकारी, लघुवित्त र मिटरब्याज पीडितहरूको आन्दोलनप्रति समर्थन जनाउँदै उनले ओली नेतृत्वको सरकारले ती पीडितहरूको आवाजलाई वेवास्ता गरेको आरोप पनि लगाए।
सम्मेलनले नयाँ नेतृत्व चयन गर्दै अध्यक्षमा हरीश भट्ट, उपाध्यक्षमा प्रमोद सिंह, महासचिवमा भुवन रम्तेल, सचिवहरूमा दीपेन्द्र ऐर, सुदीप सुर्खेती, प्रकाश शर्मा र लोकेन्द्र राई तथा कोषाध्यक्षमा ज्योतिष रोयलाई निर्वाचित गरेको छ।
कार्यक्रममा भ्रष्टाचार, कुशासन र वित्तीय शोषणविरुद्ध संघर्ष गर्ने घोषणा गर्दै २१ बुँदे निर्णय सार्वजनिक गरिएको थियो।
प्रतिक्रिया