कतार । नेपाल समाजवादी पार्टी (नयाँ शक्ति)को प्रवास संगठन अन्तर्राष्ट्रिय नेपाली समाज कतारले दैलेख डुङ्गेश्वरकी ब्लड क्यान्सरबाट पीडित सीता रावललाई आर्थिक सहयोग गरेको छ । अन्तर्राष्ट्रिय नेपाली समाज कतारका कोषाध्यक्ष खड्क बहादुर बुढाका अनुसार नेपाली रुपैयाँ २९,२६४ सहयोग रकम पठाई सकिएको बताए ।

क्यान्सर पीडित रावलको भारतको अहम्दावादस्थित सिभिल क्यान्सर अस्पतालको आईसीयूमा लामो समयदेखि उपचार भइरहेको र आर्थिक अवस्था अत्यन्तै कमजोर रहेकाले उपचारको सहयोगको लागि सो रकम संकलन गरेको अन्तर्राष्ट्रिय नेपाली समाज, कतारका सचिव लेकेन्द्र कार्कीले जानकारी दिए ।

अन्तर्राष्ट्रिय नेपाली समाज कतारका अध्यक्ष राजाराम शाहीका अनुसार यस संगठनले पहिलेदेखि नै राहत तथा सहयोगहरू गरिरहेको बताए । उनका अनुसार संगठनले भैपरी आउने समस्याहरू र यस्ता सहयोग कार्यक्रमहरूमा सधैँ अग्रसर हुने बताएका छन् ।