काठमाडौँ । मधुमेह अर्थात् सुगर एउटा यस्तो रोग हो जसमा मान्छेको रगतमा चिनीको मात्रा बढ्छ । यसलाई नियन्त्रणमा राख्न औषधिसँगै उचित आहार लिनु आवश्यक छ । यसका बिरामीहरूलाई गुलियो खानेकुरा खान निषेध छ । किनकि यस्ता खानेकुराले रगतमा चिनीको मात्रा बढाउँछ । चिनीको मात्रालाई नियन्त्रित राख्न सन्तुलित आहार निकै महत्त्वपूर्ण छ । धेरै चिनी रोगीहरू आफ्नो खाने र पिउने बानीबारे लापरवाह हुन्छन् । जसले गर्दा उनीहरूको स्वास्थ्य बिग्रन्छ ।

यस्ता खानेकुराको सेवनबाट बच्नु नै राम्रो हुन्छ । मधुमेहका बिरामीले ग्लाइसेमिक इन्डेकस (जीआई) कम भएको खानेकुरा खानु पर्छ, ताकी रगतमा चिनीको मात्रा स्थिर रहोस् । जीआई धेरै भएको खानेकुराले रगतमा चिनीको मात्रा तीव्र रूपमा बढाइदिन्छ । मधुमेहका बिरामीले तारेको र जंक फुड पनि सकेसम्म खानु हुन्न । आजको यस लेखमा हामीहरू मधुमेहका बिरामीका लागि विषसरहका पाँच थरी खानेकुराबारे कुराकानी गर्नेछौं ।

– मधुमेहका बिरामीहरूका लागि, मिठाई, केक, कुकिज र अन्य मिठाई जस्ता गुलियो खानेकुराको सेवन सबैभन्दा खराब मानिन्छ । यसबाहेक, चिसो पेय पदार्थ र इनर्जी ड्रिङ्क्सजस्ता चिनीयुक्त पेय पदार्थको सेवन धेरै हानिकारक हुन्छ । मधुमेहका बिरामीहरूले यी कुराहरू टाढा रहनुपर्छ ।

– सेतो पाउरोटी र पास्ता जस्ता खानेकुराहरूमा रिफाइन्ड कार्बाेहाइड्रेट हुन्छ । यसले रगतमा चिनीको मात्रा बढाउने काम गर्छ । यी खानेकुराहरूबाट पूर्ण रूपमा बच्नुपर्छ । यी खानेकुराको सट्टा मधुमेहका बिरामीहरूले बोक्रा नफ्याक्को अन्न खानुपर्छ ।

– समोसा, फ्रेन्च फ्राइज र बर्गरजस्ता तेलमा तारेर बनाइएका खानेकुराहरूमा उच्च मात्रामा क्यालोरी र अस्वस्थकर बोसो हुन्छ । यसको सेवनले शरीरको तौल बढाउन सक्छ । यसले शरीरमा चिनीको स्तर अनियन्त्रित बनाउँछ । मधुमेहका बिरामीहरूले यी खानेकुराहरूको सेवनबाट बच्नुपर्छ ।

– चिप्स, कुरकुरे र अन्य प्रशोधित स्न्याक्सजस्ता प्याकेटमा आउने खानेकुरामा चिल्लो, नुन र चिनीको मात्रा बढी हुन्छ । यो मधुमेहका बिरामीका लागि हानिकारक हुन्छ । यी वस्तुको सेवनले रगतमा चिनीको मात्रा बढ्न सक्छ । यसबाहेक, प्याकेटमा आउने जुस पनि मधुमेहका बिरामीले खानै हुन्न ।

–ससेज, ह्याम र बेकन जस्ता प्रशोधित मासुमा नाइट्रेट र नाइट्राइट जस्ता तत्त्वहरू हुन्छन् । यी दुबै मधुमेहका बिरामीहरूका लागि हानिकारक हुन् । यी खानेकुरा खाँदा रगतमा चिनीको मात्रा बढ्न सक्छ र मुटु रोगको जोखिम बढ्न सक्छ । यसबाहेक पनि मधुमेहका बिरामीले रक्सीको सेवनबाट पनि बच्नुपर्छ ।